Midt-Telemarkskommunane Bø, Nome og Sauherad har etterkvart utvikla eit omfattande interkommunalt samarbeid. Med eit samla innbyggjartal på 16 257 personar er det naturleg for midtfylket å samarbeide på ulike områder.
Pr. 01.07.08 er folketalet slik:
Nome 6 578
Bø      5 414
Sauherad 4 265

Frå 2003 vart samarbeidet utvida til å gjelde meir tradisjonelle forvaltningsområder som barnevern, brannvern, landbruk og informasjonsteknologi.
Frå tidlegare tider har det vore samarbeid innan energisektoren - jfr. Midt-Telemark kraftlag AS og Midt-Telemark Energi AS. Det same gjeld innan verna arbeidstiltak - Bø Produkter AS, Sauherad ASVO.

Midt-TelemarksRådet er ein ny organisasjon med faste møter og representantar frå dei 3 kommunane. Midt-TelemarkTinget er samansett av dei 3 formannskapa - og vi har også nokre årlege fellesmøter for dei 3 kommunestyra.

Avgjerande for det utvida samarbeidet er at kommunane er "samla" reint administrativt. Dvs. vi har bygd opp ei felles ikt-plattform der vi både pr. telefoni og data kan samhandle.
Felles serverar og nettverk gjer at vi kan nytte av den samme programvaren sjølv om vi er 3 juridiske "einingar" (sjølvstendige kommunar).

Vi gjer merksam på at vi på dei fleste fagområder samarbeidar med Nome og Sauherad, men det er også omfattande samarbeid med andre kommunar på områder der dette er naturleg.
Vi nemner IRMAT - felles renovasjonsordning og legevaktteneste, MTR - felles rekneskapskontroll.