Byggesak
Sakshandsamar alle typar meldings- og søknadspliktige tiltak i samsvar med Plan- og bygningslova med forskrifter.
Begge partar - både kommunen og ansvarleg søkjar - kan kreve førehandskonferanse. Sakshandsamar gjev rettleiing til byggebransjen og enkelte byggherrar.
For tilgang til skjema for byggesak, lov og regelverk, rundskriv m.m. sjå tenesteomtalane.
Alle søknadsskjema for byggesak finn du på www.be.no. Her finn du også byggsøk (Staten) og du kan fylle ut søknad og hente den ut for oversending på vanleg måte.

Kommuneplan og reguleringssaker
Kommuneplan: Utarbeider forslag til kommuneplan og kommunedelplanar. Planavdelinga er ansvarlege for prosessen i forhold til innbyggjarane og offentlege instansar samt analyser og konsekvensutredningar. Kommuneplanen skal rullerast kvart 4. år.
Politiske organer i planprosessen: Formannskapet er planutval og kommunestyret er vedtaksorgan.
Reguleringsplanar: Saksbehandle både offentlege og private planforslag. Plantypene er reguleringsplanar, bebyggelsesplanar og til dels situasjonsplanar. Saksbehandlar også framlegg til både større og mindre vesentlege endringar av eksisterande planar.
Politiske organer i planprosessane: Det faste utval for plansaker er planutval for alle typer planar og tek avgjer i alle plansaker bortsett frå reguleringsplanane der kommunestyret tek endeleg avgjer.
Saksbehandlingstid: For reguleringsplanar og bebyggelsesplaner må ein i Bø kommune rekne med at det normalt går ca. 6 månader frå ferdig innlevert plantil vedtak.

Kart og oppmåling
Avdelinga får ca. 80-100 nye rekvisisjonar av nye oppmålingssaker kvart år. Vi har lang ventetid på oppmåling p.g.a etterslep av saker over mange år. Vi har i år gått til innkjøp av GPS-utsyr saman med Sauherad kommune, elles har vi 1 totalstasjon.

Mange av våre kart er digitale og etter avtale kan vi lage spesialkart/temakart etter publikum sitt ønske. Kartutsnitt kan fåast i storleik A4 til A0 - i farger. Vi har laga adressekart for heile kommunen,som fåast kjøpt hos oss eller hjå bokhandlar (kr. 70,-).

Avdelinga har fyljande arbeidsoppgåver:
- Behandle søknader om kart-og delingsforretningar, jamfør Plan og bygningslova.
- Behandle søknader om seksjonering (oppdeling av bygning og evt. eigedom), jamfør Lov om eigarseksjonar.
- Utføre kartforretningar (oppmåling av eksisterande eigedom), jamfør delingslova.
- Utføre delingsforretningar (deling av eigedomar), jamfør delingslova.
- Grensejusteringar og påvisning av grenser, jamfør delingslova.
- Berekne og utarbeide målebrev evnt. mellombels målebrev som sendast til tinglysing.
- Etablering og vedlikehald av grunnlagsnett med eige fastmerkeregister.
- Etablering, ajourhold og forvaltning av kommunale kartbaser (situasjon, veg, bygning), eiendomskart (DEK)
- Opprette nye gards- og bruksnummer, feste- og seksjonsnummer
- Halde à jour/oppdatere GAB -registeret (Grunneigedomar, Adresser, Bygningar)
- Kartlegging (Geovekstavtaler)
- Forslag på nye vegnamn og utarbeiding av adressekart, samt halde à jour/tildele nye adresser.
-Gje eigedomopplysningar til eigedomsmeklarar.
- Ved førespurnad til kart- og oppmålingsavdelinga gir vi hjelp og rettleiing i desse oppgåvene, samt å lage kartutsnitt og finne eigedomsopplysningar.

Veg, vatn og avløp
Bø kommune har ansvaret for omlag 100 km med kommunle vegar inkludera gang- sykkelvegar.

Vi har og eige vassverk som forsyner meste parten av kommunen med vatn og vi har eit kloakkrenseanlegg som rensar kloakken
Bø kommune sitt vassverk er basert på uttak av grunnvatn i område som grensar opp mot Seljordsvatnet. Hovudnettet omfattar strekninga fra uttaket til Bø sentrum med forgreining til Eikjabygda, Folkestad/Lifjell, Vreimsida og i retning mot Gvarv.

Bø kommune har rimeleg godt utbygd nett for vatn og kloakk. I områder som er regulert til industri og bustader, er det bygd ut med ledningsnett. I andre områder er det og lagt vatn og kloakknett.

Krav til tilkopling til kommunalt nett Arbeidet skal utførast av godkjent firma (rørlegger) for slike arbeider. Tilkoplingspunkt kan bli påvist av kommunen. Etaten gjev nærare opplysningar om ledningsdimensjonar, vanntrykk, vasskvalitet, kostnader ved tilkopling m.v.

Renovasjon
Bø kommune er med i IRMAT, som er eit interkommunalt renovasjonsselskap for Bø, Hjartdal, Notodden og Sauherad. Innsamling av søppel er satt bort til det private firmaet Lommerud Transport AS. Firmaet driv og med containerutleige og driv gjenvinningstasjon for mottak av all slags avfall. For dette tilbodet betalar Bø kommune leige. Bø kommune har utarbeidd eigne renovasjonsforskrifter.
Det er krav om tvungen renovasjon for alle husstandar i Bø og det er innført tvungen hytterenovasjon.

For fastbuande har Bø kommune innført kjeldesortering av avfall.