Servicekontoret – rask og god serviceMålet til Bø kommune er å ha fornøgde innbyggjarar. Difor har vi eit servicekontor som kjenner det kommunale tenestetilbodet. Ein stad, eitt telefonnummer – og servicekontoret vil hjelpa deg. På servicekontoret kan du spørje om alt, få svar på staden, eventuelt hjelp til vidare saksgang.

Bø på nettInternettsidene til Bø kommune er etter kvart den viktigaste kanalen for kommunikasjon med innbyggjarane. Nettsidene er bygd opp slik at du ved få tastetrykk skal kunne finne dei opplysningane du er ute etter.

På nettsidene finn du faktaopplysningar om alle einingane i kommunen og dei tenestene dei tilbyr i tillegg til aktuelle
e-postadresser og telefonnummer i kommunen. Her er også postliste publisert med utgåande dokumenter.

Under menypunktet Tenester til deg, finn du også lenker til Søknadssenteret, som gjev deg tilgang til elektroniske skjema og eventuelt nettpost (krev BankID ved pålogging).

Her finn du også lenker til andre nettsider med relevant informasjon, til dømes om interkommunale einingar og Midt-Telemarksamarbeidet.

LokaldemokratiPå sidene med politisk innhald finn du samansetningen av kommunestyret, formannskap, råd og utval, møtekalendar og kontaktinformasjon til politikarane og politiske parti.