Føremålet med MTBR er å verne liv, helse, miljø og materielle verdiar mot brann og eksplosjon, mot ulukker med farleg stoff og gods samt andre akutte ulukker.

MTBR er eit interkommunalt samarbeid etter kommunelova sin § 27, og Nome kommune er vertskommune.

Lov om vern mot brann mv. § 15 set krav til kommunane om å samarbeide om lokale og regionale løysningar av førebyggande- og beredskapsmessige oppgaver med sikte på ei best mogleg utnytting av dei samla ressursar i regionen.

Midt-Telemark Brann- og Redningstjeneste er organisert med et styre som skal sørge for at det vert utarbeidd årsbudsjett, årsrapport og rekneskap.

Styret i MTBR er samansett av:
4 medlemmer med varamedlemar.
Av dette 3 medlemar med varamedlemar, 1 fra kvar kommune. Rådmannen i kvar kommune kjem med forslag til sine representantar. 1 medlem med varamedlem vert vald blant dei tilsette etter forslag fra organisasjonane til dei tilsette.
Brannsjefen i MTBR er sekretær for styret.